Back Boro (Nyu-York) Azerbaijani Borough de Nova York Catalan Borough von New York City German Boroughs of New York City English Borough (Nueva York) Spanish Borough (New York) Basque بخشهای شهر نیویورک Persian Arrondissements de New York French רובעי ניו יורק HE Boroughs de New York Interlingua
A cidade de Nova York componse de cinco boroughs (literalmente burgos, traducido como distritos); cada un ten case as mesmas atribucións que un condado, pero os seus gobernos desapareceron cando se consolidou a cidade en 1898.
O termo borough adoptouse para describir unha única forma de administración gobernamental para cada unha das cinco partes constituíntes da recentemente creada cidade. Tecnicamente, segundo a Lei do Estado de Nova York, un borough é unha corporación municipal que se crea cando un condado pasa a formar parte dunha cidade. Isto difire significativamente das definicións típicas de borough utilizadas en Connecticut, Nova Jersey, Pensilvania e Alasca, entre outros.
Á cidade de Nova York tamén se lle coñece en inglés como the five boroughs. Esta frase é usada para referirse a Nova York como cidade e evitar confusións coa área metropolitana de Nova York. Ademais, é utilizada frecuentemente polos políticos para facer énfase na existencia de cinco divisións e evitar o centralismo de Manhattan.